 |
||||
|
||||
| 請等候片刻... | ||||
如遇問題，請按聯絡我們，讓我們盡快跟進。 |
||||
| 如欲收聽更多，請按此登入。 | ||||
 |
||||
忠：各位朋友你地好，我係更新團體嘅阿忠。 儀：我係呀儀，大家好。 忠：呀儀呀，我地另外兩位朋友Simon同埋Pinky係過去兩個星期，呢個「金錢以外」嘅環節，同大家分享要點樣做，至可以成為卓越嘅人，特別係喺工作方面，點樣可以俞做俞好，俞做俞順利喎。來緊直至月尾，不如我地轉一轉話題吖。 儀：好呀，咁我地傾d乜好呢？ 忠：不如我地傾吓「謙遜」同埋「自信」吖。 儀：好呀。你揀「謙遜」同埋「自信」，係咪意味住佢地有好密切嘅關係呢？ 忠：你講得無錯。今時今日，好多人都認為，要成功就一定要有「自信」。「謙遜」就好似無乜人講嘅喎。 儀：出黎社會做野梗係要有自信啦，一定要喺其他人面前表現自己嘅優點， 忠：順住呢個唸法再去做，就係要食住人。對競爭對手又好，對下屬又好，甚至對家人都係。漸漸我地就變得好自以為是啦，自吹自擂啦、死要面、犯眾僧。自己就乜都啱，明明自己錯都要賴人。對人就更加係百彈齋主、死不認錯。 儀：阿忠呀，究竟呢d係咪真係「自信」呀？似「傲慢」、「自大」多d喎。 忠：你講得啱。「傲慢」、「自大」其實唔係「自信」。佢地本來以為係增強自信嘅行為，變成操控他人、自吹自擂、誇張失實、死不認錯、吹毛求疵。變成「驕傲」、「傲慢」。好多人用「傲慢」嘅姿態掩飾自己嘅「不安全感」。 儀：我明啦，真正「自信」帶來嘅唔係「傲慢」，而且飱飱相反，真正「自信」帶來嘅應該係「謙遜」。 忠：現今社會，「謙遜」需要好大勇氣先至做得到。事實上，自己有好高嘅「自我肯定」先至會「謙遜」，有良好嘅「安全感」先至會「謙遜」。 儀：阿忠呀，講開「驕傲」同埋「謙遜」，聖經點樣講呀？ 忠：聖經話「愛，不誇張，不自大」。即係叫我地唔好做「驕傲」嘅人。原來天主唔喜歡「驕傲」嘅人，佢喜愛嘅係謙遜嘅人，佢仲許諾要救助謙遜嘅人，指引佢地，賜智慧比佢地，仲會舉揚佢地，要使謙遜嘅人得到光榮。相反，天主憎惡驕傲嘅人。天主最憎惡嘅事之中，第一件就係驕傲。一班天使因為「嫉妒」同埋「驕傲」變成咗魔鬼，係「驕傲」使導致魔鬼被逐出樂園。 |
||||
 |
||||
|
||||
網頁比例
訂閱頻道
活水福傳新呈獻