如遇問題，請按聯絡我們，讓我們盡快跟進。

W=Winnie　P=Patty　M=Mona

第四晚

W：各位朋友你好，我係聖神內更新團體嘅Winnie。

P：我係亞Pat，大家好。

M：我係Mona， 大家好，多謝大家繼續收聽「金錢以外」呢個節目，今晚我地繼續傾下「知足」喎。

　　Winnie 呀，上次撞到你同你媽咪，伯母好似精神左，開心左喎。

W：係呀！ 而家佢仲忙過我呀， 佢去左做義工呀！

M：咁咪係好充實？

P：我知到自從世伯唔係道之後，伯母就變得好靜，又唔多願出街，淨係掛住係屋企種花，點解而家有咁大改變呢？

W：有一次，有間老人院搞盆栽種植比賽，我鼓勵佢去參加， 佢就比左一盆紫羅蘭我去參賽。

M：結果得到冠軍牙？

W：係呀， 佢好開心，院長仲邀請佢教啲老人家種紫羅蘭，所以，而家佢係老人院桃李滿門，好多人都叫佢做師傅架！

P：咁伯母將佢思念世伯嘅焦點重新投放係義 工服務上，唔單止佢自己開心，班老人家又開心，真係一個雙贏局面。

W：亞Pat，你講得岩呀， 佢除左釋放自己，仲係人際關係上有好大嘅進步，你知唔知呀， 佢而家仲有個助手添呀？

M：吓？ 請埋助手添牙？

W：唔係，依個朋友因為啲仔女大左，比較清閒，覺得自己淨係識煮飯，好似好無用咁，我亞媽就邀請佢一齊教種花，耳家 佢係半個師傅喇.所以唔好以為自己識野唔多，就無左自己嘅價值。

M：Winnie呀，你屋企仲係唔係成屋都係紫羅蘭呀？

W：唔係喇，亞媽嘅心態改左喇！ 佢好樂意將啲蘭花送比其他老人院嘅老人。

P：咁令我想起一個相反嘅故事，來自聖經:
有一個富人，他的田地出產豐富。他心裏想道: 我可怎麼辦呢﹖因為我已經沒有地方收藏我的物產。他遂說: 我要這樣做: 我要拆毀我的倉房，另建更大的，好在那裏藏一切榖類及財物。天主卻給他說: 糊塗人哪！ 今夜就要索回你的靈魂，你所備置的，將歸誰呢﹖

M：其實我地好多人都不斷想去擁有更多更多，如果唔係，點會有咁多迷你倉嘅供應呀！不過稔真啲 ，我地離世個陣，又可以帶走啲乜呢？

W：物質其實只係短暫，唔好強迫自己去擁有更多，生命最重要嘅唔係物質，
我地有基督信仰嘅人，唔會淨係睇現世生命，我地會期待來世嘅生命
收音機旁嘅朋友，我地不如稔下。

~我地為左乜野而生存呢？我到底點解生存係呢個世界？

~我地生命嘅目標係唔係為左擁有更多呢？

~將來我離開呢個世界，我又會去邊呢？

P：要答正話嘅問題，其實好容易嗟，只要我地重新將焦點放係永恆嘅事物上，例如:人際關係，道德價值觀，學習擺脫物質嘅控制，就可以獲得真正嘅自由。
聖經有一句說話係咁講嘅: 人縱然賺得了全世界，卻喪失了自己，或賠上自己，為他有什益處呢﹖

W：呢句說話真係值得我地去思考下。

M：好，今晚我地稔下先，聽晚再繼續。

W, P&M：bye bye。